移居 🇳🇿紐西蘭還好嘛？
移民-係近年比較Hot嘅話題，走定留，如果決定走，去邊個國家就真係值得深入探討。紐西蘭可能相對無咁熱門，地多人小，羊多過人係多數人嘅印象。尼度無咁多商場，無咁完善公共交通網絡，無咁廉價嘅家傭等等係事實。
打個比喻，移民就好似上台簽約，揀錯咗就可能要面對損失。同時去邊個國家就好比揀邊類套餐，係偏向分鐘數還係需要多數據甚至無限SMS都要根據自己使用習慣去決定。如果注重人文環境，氣候溫度以及社區交往等等，紐西蘭應該係唔錯嘅選擇。
可以喺尼個網站睇到乜嘢？
相信正在考慮或者正在計劃甚至已經做出決定嘅朋友都想了解更多尼方面嘅資訊，同時亦都向打算過嚟旅行嘅朋友移居 🇳🇿紐西蘭將從基本嘅衣|食|住|行，四個範疇分享喺紐西蘭非一線城市多年生活嘅心得。
尼度無咁多商場，無咁完善公共交通網絡，無咁廉價嘅家傭，亦都可能面對更多挑戰，包括職業等等… 咁樣係未就一無是處呢？相反，換嚟青山綠水代替石屎森林，自己揸車代替公共交通，返工放工或者日常出行，都有自己私人空間，例如聽歌或傾計… 搵錢容易嘛？不禁想反問，現在喺Comfrt Zone容易嘛？引用經常聽到老華僑講嘅一句說話“肯做一定唔會餓死，唔肯做去邊度都無運行”。
正所謂有失必有得，無論你係一家幾口還係二口之家，尼度可以俾你更多時間享受家庭生活，無論家庭短/長途旅行，還係天倫之樂共同完成一件家事或者勞作都輕而易舉。繁華都市意味空氣渾濁，但係紐西蘭嘅空氣可以話係“濕水棉花”。疫情期間還出口罐裝紐西蘭空氣，簡直匪夷所思。
